ابني مات






انـا ابني مـات
الصرخه ماتت روخره جوه قلبي والأهات
هو وكل صحابه كل يوم رايحين جايين من المدرسه
بس النهارده شوفت صورته فـ القنوات
وفي الجرايد كاتبين عليه ضحية الاهمال
مين اللي قال ! ان ابني مات
انا ابني عايش رغم دمه اللي غطي الطريق
ده راح يلعب مع صحابه ويا ملك صديق
دول طلعو رحله للسما يصلو جنب ربنا
ده مهما كان غالي عندي
ربنا رحمه مـ البلد دي
اكيد هناك مفيش وزير موجود زي قلته
اكيد هناك مفيش قطار بيدوس اللي في سكته
راح للي خالق واللي عارف قيمة الانسان
أكيد هناك هيشوف اللي كان رسمه ع الحيطان

تخيل ابنك خارج بشنطته وقلمه
ولما يرجع تخده وتطلع بيه علي قبره !
انك خلفته في البلد دي – ده كل ذنبه
مهوش ابن رئيس عشان يمشي وراه حراسه
بص كده , ده دمه عامل شكل ع الكراسه  !
ده شكله راسم علم بس الدم خله لونه كله أحمر
عوضك علي الله يا ابو الولاد – يلا اصبر
حاجه تانيه تبرد نارك ع اللي مات – اوعي تفكر
الدرس انتهي – خد شنطة ابنك وروح
وبإسم كل واحد خد خبور من البلد بتأسفلك



إرسال تعليق
مازلت عايش في الحياه بكيفي