أخر واحد








الزمن سبق رسم حدود تفصل ما بينا .. 
وبإيدينا اتكسرت , بنينا الأقوي منها .. 
كان مين يقول ان اللي جاي أسوء مـ اللي عدي
هزيمة الشيطان لا تعني ان فيه ملاك ساكنا .. 

اليأس ساد في ناس بتحاول تزرع الأمل .. 
بيقولوا ايـه في إيدنا بعد كل اللي اتعمل .. 
لو الفلاح يأس من طول فصول نضوج ثماره
مكنش حس بالفرح ولا انتشي في يوم حصاده .. 

الأميره تخسر لو كانت هديه للي يكسب !! 
واللي يخسر الأميره ميلاقيش بعديها مكسب .. 
الحقيقه مُطلقه بالنسبه للي فكّره سطحي
واللي حابب يخدعك هيلاقي مُبرر مش هيغلب .. 

فرعون غرق في اللحظه اللي اعتقد فيها انه فاز .. 
لما صدق ان عبور البحر هيتحسب إنجاز !! 
الغرور مرض تدريجي وصل لحد كفايته معاه
موسي نجيّ لأن فكرة العبور , أمر من الإله .. 

فرعون غرق لكن الغرور لسه له عمر طويل .. 
لو بس تقرأ ايـه حصل من بني إسرائيل !! 
برغم حدوث المعجزه اعتبروه أمر شاذ .. 
رجعوا لعاداتهم القديمه واستمر الإبتزاز .. 

في ناس بتحاول توعظك بنص القصه الأول .. 
أما النص التاني لـ وقت تاني متشالك .. 
ده لدرجة انه يتلغي لو وقتهم مطوّل .. 
إقرا القصيده تاني هتلاقي المقصد باينلك .. 

متستهونش بالعدد وتقول ده زمن الغلط .. 
المسلمين انهزموا بالطمع في غزوة أُحد .. 
عصيانهم للأوامر جاب خساره عسكريه
40 نفر كانوا السبب في هزيمة سبعوميه ( 700

صرّخ الشيطان في ودنك حّلي في عينك مكسب خادع .. 
مدام معندكش احترام للوقت بلاش تواعد .. 
لو شوفتها في زانقه ومفيش غيرك , لكن طّماع .. 
اعمل نفسك مشوفتهاش وبلاش تساعد .. 

أخر واحد في الصف بيكون دايماً شايف الكل .. 
أخر واحد علي بالك بيكون دايماً عنده الحل .. 
أول واحد بينصحك تدّور ع الأخير
بيكون فاهمها ومبيشرحش لأنه مّل




ــــــــــــــــــــــــــــــــــ

عبدالرحمن سامي 
24/3/2014 

ــــــــــــــــــــــــــــــــــ





إرسال تعليق
مازلت عايش في الحياه بكيفي