الشعر معني | عبدالرحمن سامي







الشعر معني بيجمعنا لو في غيره بيفرقنا ..
جاب أخرنا وماله أخر ..
بحر واسع مُوجه قادر ..
ينتشلنا من الغرق لو مركبنا تاهت ..

الشعر مش شغلانه لو حاببها تشتغالها
الشعر لو حسّك غريب المعني يستخبي ..
كل الكلمات هترفضك وتسد عليها بابها ..
الشعر يحبك لو يكون أكتر حاجه تفرحك ..
في وقت تعقيداتك تلقي قصيده بتفصصك ..
جُمل جُمال علي لحن خط ايدك بيرقصوا ..
لاحظ كلمات ( كلمات ) في حيطان مشاعري بيدغدغوا
ولذلك واحد زيي , عايش الشعر مش بكتبه .

جربت تسهر ليله ويا قصيده انت حاببها !
مُتخيل ان معاك روح اللي كاتبها !
مهي فيها منه , كاشفه سره , سارقه وقته ..
استسلمت له لما حاول يكتبها ..

القصد حاول تدي كل حاجه قيمتها ..
متقولش وحشه لمجرد ان انت مش فاهمها ..
في عقل أي حاجه بتخليه يفكر ..
و عقل له حدود , فـ دوغري بيحرمها .



ـــــــــــــــــــــــ

عبدالرحمن سامي

ـــــــــــــــــــــــ








إرسال تعليق
مازلت عايش في الحياه بكيفي