كلمات مختلفه - عبدالرحمن سامي ( أغنيه )







اسمع الاغنيه من هنا



..




رفضها من البدايه وقبل ما تطلب فرصه تانيه 
كتبها لغز ومن ايمانه بيها حلهولها 
رفضت تسمع كلامه وقررت تبدء تغني , 
من ديون لـ شاعر بيحبه كان من فتره أهدهولها 
مش عارفه ليه بيحكيلها عن حكايات مهوش بطلها 
وكل خوفها انه في يوم ينجح انه يقنعها 
مصدقه انها السبب في اللي وصله , 
وعارفه لو وافقت هتبقي قررت نهايته ! 

ما أملكش حاجه أقدمهالك غير بعض النصايح 
بعد اما هتسيبيني هتلاقيني كنت واضح 
ماحستكيش فـ ماحستنيش دي مُعادله منطقيه 
مش شايف في كلامي ليكي حرف واحد جارح 
ماتفتكريش اني بعاتبك علي حالتي النهارده 
حاولتي معايا لكن محاولاتك ماجبتش فايده
فـ انتي ناجحتي لكن نتيجتك كانت الفشل 
لو حد غيري كان ممكن تحتفلي في النهايه 
يا تصدقيني , يا ترفضيني كالعاده 
الخوف اللي جواكي , كان يوما ما جوايا 
يمكن بزياده , لكني رفضت أرضخ له 
فـ حاولي تتبعي اللي نجح يقتل مخاوفه 


كلمات مختلفه كتبتهالك حاولي تفهميها 
اقريني بين سطورها شكليني جمله بيها 
تغيري في ترتيبها , تحذفي منها , تشقلبيها 
لكن حروفها مُحدده هتوصليلي بيها ! 
برسملك الطريق ماتستغبيش وتقولي خدعه 
لولا التردد ده كنا اتقابلنا أول مره 
ماتضيعيش الفرصه ! 
خطي بإيمانك انها يمكن اخر محاوله! 
يأس ؟ بالعكس 
انا بكسر فيكي الحبس 
بدل ما تبقي كل هتبقي جزء في كل نفس 
العيشه حلوه عارف لكن الموت دلوقت احسنلك 
مش بس بيبان المجد , بيبان السما كلها تفتحلك 
هيحبوا يجيبوا سيرتك , 
هيخلدوا طريقتك , 
كل اللي عليكي تصدقي انا فاهم ليهم عنك 
لو حابه الخُلد فـ انا بقولك ده طريقه الاوحد 
ماتصدقيش كلامهم ان دي افكار لـ مُلحد ! 
انتي عارفه اني مؤمن واني اتمني اخش جنه 
تعالي كـ قصف جبهه قبلها نعلن إيمانا 
ماسبتش ليكي حجه ! 
ماتضيعيش الفرصه , 
دي مُجرد رحله لو ماحبنهاش نرجع مكانا 
الوقت مش في صالحنا , 
التردد هايهجمنا , 
وتخافي زي كل مره تزوري الدنيا التانيه .



...





إرسال تعليق
مازلت عايش في الحياه بكيفي