زي ما حكيت عن مشاكلك
احكي برضو ع اللي ربك بعتوا ليك
واحكي ع الايد اللي وقت الرُخص جاتلك تشتريك
واحكي ع القلب اللي حاول ياما انه يطمنك
واحكي برضو عن ابتسامة روحه وقت ما تلمحك
واحكي ع العين اللي كانت شايفه كل الحلو فيك
زي ما حكيت عن كلامهم قد ايه مؤذي وقبيح
احكي ع اللي كلامك انت صاده زي الطير جريح
وسيبته وحده في عز ضعفه
اللي مرتاح له النهارده وقاعد انت تشتكي له
عمر حنيتك ما هاتغير ولا هاتعدله ديله
الجمال فيك مُستتر
مايشفوش غير اللي حَبك زيي بس
أما هما طبعهم طبع البشر
مقياس جمالك عندهم جسمك ولون اللبس
ماتخدش راحتك في الكلام يا عبيط
خليك حويط
واعمل حساب للدنيا لو مره في حياتك
وافتكر مين اللي كان هايموت عشانك
واما تحكي للي باعك
احكي له عن ايد في وقت ما رخصَك جت تشتريك
واوعي تزعل من القدر ولا من النصيب
ربك بعتلك حد زيي في محنتك
وانت إتغابيت
اومال هتعمل ايه لو كنت في مكاني
ربك بعتلي حد زيك !
وذنوب حياتي كلها كانت عقابها
إني بالحب إتعميت .
1 عايز تقول رائيك؟:
عبقري ♥️
إرسال تعليق