مأساة عصفوره

شفت عصفوره طايره ونازله من السما
بصيت لقيت عصفوره تانيه وواقعه من السما
..
انا شفت عصفوره طايره ونازله من السما
بصيت لقيت عصفوره تانيه وواقعه من السما
..

مرميه علي الارض وممكن في اللحظه دي الكون دا يفوت
والعصفوره التانيه اهي نزلت وقفت جنبها ودي بتموت
..
مرميه علي الارض وممكن في اللحظه دي الكون دا يفوت
والعصفوره التانيه اهي نزلت وقفت جنبها ودي بتموت
..

وانا واقف مستغرب عايز اعرف ايه بينهم بيدور
مش فاهم ليه الجو اتغير ولقيت العصفور بيثور
..

حسيت ان العصفور مات
وان التاني بيبكي عليه
..
مكاني انا دايما واقف ساكت
ولقتني انا روحت اجري عليه
..

مع اني انا مش حاسس بيهم
بس لقتني بقيت وسطيهم
..
مع اني انا مش حاسس بيهم
بس لقتني بقيت وسطيهم
..

والعصفور الصاحي بيصرخ
مات الحب ولازم اصرخ
..
العصفور الصاحي بيصرخ
مات الحب ولازم اصرخ
..
وردة عمره في ثانيه اهي دبلت
وانا دمعتي علي خدي اهي نزلت
..
وردة عمره في ثانيه اهي دبلت
وانا دمعتي علي خدي اهي نزلت
..
لو كنت اخد بالي ساعتها
واجري واداوي في العصفور
..
كان ممكن ميموتش ساعتها
ويطيرو الاتنين ع الدور
..
بس الامر في ايد الله
والاعمي مبيشوفش النور
..


قولت يارب الرحمه دي فين
بين الناس اللي عايشين
..
انا ولا شفتها يوم في الدنيا
ومستنيها في يوم الدين
..

وفضلت اسأل نفسي سؤال
لو كنت انا عصفور معقول
..
كنت انا هبئا الميت ولا
كنت هكون النجده لدول

*****************