تييجي نتكلم . مع بعضينا
ونقول بكرا . دا جاي لينا
جاي هيغني . ويفرح بينا
واحنا كمان . هنفرح بيه.
تييجي نسلم . روحنا لبعض
تييجي نقرب . ننسي البعد
يلا نسامح . ننسي لبعض
اي كلام . هيغير فيه.
فاتح حضني ومستنيك
تجري عليا واجري عليك
ونعيش كل ثواني حياتنا
حب في حب وافرح بيك.
فاتح قلبي ومشتاق ليك
مشتاق اسمع كلمه عليك
ملهوف اني اشوف الدنيا
شكل جديد وجميل في عنيك.
ــــــــــــــــــــــــــــــــــــــــــــــــــــ
ليالي وانا عايشها . ومستني اشوفك
ليالي وانا بتمني . امحي من قلبك خوفك
دا خوفك دا تاعبني . مش فاهم اصله ايه
في حد يخاف وملكه . حبيب هيموت عليه.
فاتح حضني ومستنيك
تجري عليا واجري عليك
ونعيش كل ثواني حياتنا
حب في حب وافرح بيك.
فاتح قلبي ومشتاق ليك
مشتاق اسمع كلمه عليك
ملهوف اني اشوف الدنيا
شكل جديد وجميل في عنيك.
0 عايز تقول رائيك؟:
إرسال تعليق